Пияз бен ет салынған бүктеме

• қамыр үшін 4 кесе үн
• 4 ас қасық қант
• 2 жұмыртқа
• 4 ас қасық маргарин
• 1 шай қасық тұз
• 1 ас қасық ашытқы
• 1 кесе су немесе сүт
• фарш үшін 700 грамм ет
• 1-2 пияз
• 4 ас қасық сары май
• 1 ас қасық бидай ұны
• 2-3 қасық сорпа немесе су
• тұз бен бұрыш татымына қарай

Пияз бен ет салынған бүктеме - дәмді тағам

• 1.Бұған да қамыр картоп салынған бүктемесінің қамырындай иленіп, солай ашытылады. Қамыр ашытуға қойылған кезде осы мақсатқа арналған ет әрбір кесегі 40-50 грамнан келетіндей етіліп туралады да, қазандағы қайнап жатқан майға қуырылады. Содан соң үстіне табылса сорпа, табылмаса су құйылып, бұқтырылады да, суытылып еттартқышпен тартылады.
• 2.Ұсақтап кесілген пияз салынады, тұздалып, бұрышталады. Ұн себіледі. Жақсылап бәрі араластырылады. Аспаз бұл әдісті қаламаса басқаша да дайындауға болады.
• 3.Ол үшін шикі ет ұсақтап туралып, еттартқышпен тартылады. Май салып қыздырылған табаға қуырылып суытылады. Содан кейін ұсақтап кесілген пияз салынады, тұздалып, бұрышталады да, ұн себіліп, әбден араластырылады.
• 4.Бұл кезде қамыр да бабына келуі тиіс. Ол ұн себілген столдың немесе тақтайдың үстіне салынып, күлшеленіп бөлініп, жиектері қаусырыла бүктеледі де, шеттері жабыстырылады. Одан әрі осының алдындағы бүктемелер секілді пісіріледі.